COLUMBAE

I.
COLUMBAE
in multiplici Sacrificiorum apud Hebraeos olim usu fuêre. Non einim solum ad esum hi columbas, sed etiam ad sacrificia exquirebant, quae multorum erant generum. Sic Levit. c. 1. v. 14. agitur de spontaneo holocausto e turturibus, aut pullis columbarum. Levit. c. 5. v. 7. qui blasphemantem alium non correxerat, au ipse temere iuraverat aut immundae rei contactu se polluerat, iubetur offerre par turturum, aut columbarum, unam pro peccato, alteram pro holocausto. Levit. c. 12. v. 6. a puerpera, post expletos dies purificationis, Deus agnum anniculum in holocaustum exigit, et pullum columbae, vel turturem, pro peccato; aut si agnum offere non possit, duos turtures, aut duos pullos columbarum. Easdem quoque oblationes praescribi videas ei, qui a lepra sanatus est, Levit. c. 14. v. 22. Illi item, qui a profluvio suo mundatus est, Levit. c. 15. v. 13. et 14. Et, εν τῷ τῆς αἱμοῤῥοούσης καθαρισμῷ, Levit. eod. c. v. 27. 28. 29. Et in purgatione naziraei, qui mortui contactu se contaminavit, Numer. c. 6. v. 10. In quibus sacrificiis Deus columbas et turtures coeteris avibus praetulit, propter puritatem, castitatem, simplicitatem, mansuetudinem et reliquas virtutum umbras, quae in illis observantur. Sed turtures adulti, Columbarum non nisi pulli in Altari oblati, quod in hac aetate maxime praxstant: idque plerumque non nisi a tenuioribus, Levit. c. 5. v. 7. Itaque vel hinc olligere est, quam pauper fuerit B. Virgo, quae, post purificationem, non obtulit agnum, sed turtures, aut pullos columbarum, Lucae c. 2. v. 24. Quô ritu autem columbas mactaverint Iudaei, breviter docet Moses, Levit. c. 1. v. 15. 16. 17. et c. 5. v. 8. pluribus vero Maimonides, De Sacrificits offer. c. 6. et 7. Hîc saltem addimus, alias quidem victimas Hebraeos ferrô mactâsse, at aves ungue solô, quô, capite versus alas reflexô, guttur eis discerpebant. Id quod Hebraeis est Gap desc: Hebrew, Graecis ἀποκνίζειν, h. e. ungue lacerare vel abscindere Levit. d. l. Vide Kimchium in Lexico in hac voce. Ne vero victimae deessent, in prima Templi parte vendebantur boves, oves et columbae, Ioannis, c. 2. v. 14. uti dicemus infra in voce Parbar. In quorum venditores merito irritatus Dominus noster, evertit eorum cathedras, qui columbas vendebant, Marci, c. 11. v. 15. Et columbarum venditoribus dixit, Auferte ista hinc. Nec facite domum Patrus mei domum emporii, Ioannis, c. 2. v. 16. etc. Sed et Gentile Columbarum haec sacrificia pravâ quâdam cacozeliâ usurpâsse legimus. Propert. l. 4. Eleg. 5. ad Laenam, v. 63.
Sed cape torquatae, Venus ô Regina, columbae
Ob meritum ante tuos guttura secta focos.
Ovid. l. 1. Fast. v. 451.
Ergo saepe, suo coniux ahducta marito,
uritur in calidis alba columba focis etc.
Quô tamen Veneris mystis interdictum fuisse, videtur colligi ex Martiali, l. 13. Epigr. 66.
Ne violes teneras praedurô dente columbas,
Tradita si Cnidiae sunt tibi sacra Deae etc.
Vide iterum Bochart. ubi supra, c. 5.
II.
COLUMBAE
vulgo Coulons, locus Carnutinae dioeceseos, ubi Monasterium Benedictinorium. Item pagus agri Parisini ad Sequanam sinistram, Coulombes.

Hofmann J. Lexicon universale. 1698.

Look at other dictionaries:

  • Columbae — Co*lum b[ae], n. pl.; [L. columba pigeon.] (Zo[ o]l.) An order of birds, including the pigeons. [1913 Webster] || …   The Collaborative International Dictionary of English

  • columbae — co·lum·bae …   English syllables

  • columbae — kəˈləmbē noun plural Usage: capitalized Etymology: New Latin, from Latin, plural of columba : a suborder of birds (order Columbiformes) consisting of the doves and pigeons and the extinct dodo and solitaire …   Useful english dictionary

  • COLUMBAE Internuneiae — olim hodieque adhibitae, Pernicissimus enim earum volatus, cumque reliquae omnes aves, volando fessae, super petram aut super arborem, sugiant et capiantur: sola columba, cum fessa est, alarum unam comprimit, et alterâ volat, sicque evadit, uti… …   Hofmann J. Lexicon universale

  • Columbae radix — (Pharm.), so v. w. Columbowurzel …   Pierer's Universal-Lexikon

  • My Columbae — Datenbanklinks zu μ Columbae Stern μ Columbae …   Deutsch Wikipedia

  • Отряд Голуби (Columbae, или ColumWormes) —          Отряд голубей объединяет значительное число видов птиц средней и небольшой величины. По внешнему виду и общему строению все они очень сходны между собой и хорошо отличаются от других птиц.         Телосложение у голубей плотное, голова… …   Биологическая энциклопедия

  • Mu Columbae — Constelación Columba Ascensión recta α 05h 45min 59,90s Declinación δ 32º 18’ 23,2’’ Distancia …   Wikipedia Español

  • Beta Columbae — β Columbae Observation data Epoch J2000.0      Equinox J2000.0 (ICRS) Constellation Columba Right ascension 05h 50m 57.5929s[ …   Wikipedia

  • AP Columbae — Constelación Columba Ascensión recta α 06h 04min 52,16s Declinación δ 34º 33’ 36,1’’ Distancia …   Wikipedia Español


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.